غرك بكثره المال قصيده

غرك بكثره المال قصيده

ان كان غيري غرك بكثرة المال
*** وخلاك تنسى مامضالي وفاتي

هاك القصيدة واسمع البيت لاقال
*** يبطي ولايقدر يسوي سواتي

لايغرك انه من رجال الاعمال
*** ماله وجاهه مايسبب شتاتي

لو كان مرخصلك دنانير وأريال
*** أنا لعينك كنت مرخص حياتي

خل المظاهر وخلها عنك الاشكال
*** وقارن اذا انه كان مثلي بصفاتي

صحيح مو مثله انا دوم رحال
*** بين الدول ماغير يرحل وياتي

لكن أشيل حمول ماتشيلها جبال
*** وأصبر على بلواي وماشكي عناتي

ومهما جرالي ماشكي الحظ لامال
*** أضحك واشيل بصدري همي وشقاتي

وكل من سألني قلتله حالتي عال
*** ماحسس اللي يسال اني احاتي

واللحين كانه غرك بفلس وريال
*** خلك معاه وهاك مني وصاتي

باكر ترا لابد يتبدل الحال
*** وتقول ليت اللي مضى يرد وياتي

الف شكر اخوي ابو خنفووووووش على القصيده الااكثر من رائعه ونتمنى المزيد من العطاء تقبل مروري وشكرا لك

صح لسااانك .. وعلا شااانك ..

صدقت فيما قلت ...

اشكرك عالطرح الرائع

ننتضر جديدك

الله لا يهينك .. تقبل مروري

لو كان مرخصلك دنانير وأريال
*** أنا لعينك كنت مرخص حياتي

************************
تسلمـ يمناكـ أبو خنفوشـ,,,
القصيدهـ مرهـ مرهـ جناااااااااااااااانـ,,,
وتقبلـ مروريـ بنتـ قحطانـ,, ,,