السلام عليكم ورحمة الله وبركاته
زوجه بـــاعـــــــــت زوجـــــــها
ب10 آلاف دينار كويتي ( قصة حقيقية)
في وحده بالكويت بنت خير ونعمة ومو متزوجة وبغت العفة والستر وبالحلال
فقالت لرفيجاتها إللي تزوجني والله أعطيها
10 الاف دينار كويتي ( 120 الف ريال) ( 30 الف دولار)قامو البنات يدللون على
أخوانهم وعيال
عمهم وما صار نصيب فكرت وحده من البنات بفكرة راحت لزوجها وقالت له إشرايك
تتزوجها وتطلقها بعد فترة
وآخذ آنه 5 آلاف وأنت 5 آلاف ؟؟؟طبعا زوجها رفض رفضاً باااااااااااتاً وضحك
عليها وعلى خبالها
لكنها أصرت عليه والسبب إنها واثقه جداً من جمالها وحب زوجها لها وما تظن أن
ممكن وحده تصك عليها المهم
صارت تحن وتحن على زوجها لما قال لها آنه فكرت ولقيت فكرتج مقبولة وخطب البنت
والبنت
وافقت وتمت الملكة فجاء الزوج وأعطى زوجته المبلغ الكامل قالت له : لا
حبيبي بالنصيفه رد عليها : خليهم لج شبعي فيهم إنتي بعتيني وهي شرتني
روحي وانتي طاااااااااااااالق شفتو عاد
والله مالكم أمان >***< شوفوا خبال النسوان.... (( من حفر حفرةً لأخيه وقع فيها))
الأربعاء أغسطس 06, 2008 8:42 pm
