قالــت ترى مــنت بـحلو قلت رجـال

قالــت ترى مــنت بـحلو قلت رجـال
والـزين ماهـو مـن شـروط الرجـوله

الـزيـن يلـقى عنـد لبــاسـة الشـال
والـرجل زيـن ان كـان زانـت فـعولـه

قـالت عـلامك تـلبس شماغ وعقال
انت بدوي؟ قلت بدوي ومن حموله

ما ألبـس بناطيل لها الوان واشكال
وامـتر الـشـارع بـعــرضـه وطــولـه

قالـت اجـل راعــي معاميـل ودلال
شـرب الـقهاوي تـحسبونه بطولـه

كيفي يابنت الحضر دلـه وفنجـــال
وحلـيـب خـلفـه بالـمـراح معقولــه

وحب الكرم والجود وعلوم الابطال
مغـروس فينـا من زمـان الـطفولـه

قالت تـرى بـنت الـبدو حظهـا مـال
قلت احـذري حـذرا تكوني جهولـه

بنـت الـبدو يابـنت مـضرب للامثـال
فوق الجمال وطاعـة اللـه خجولـه

ماحـطــة اصبـاغ ولا حـطـت ظـلال
ولا ســيرة بالسـوق سـير مـهبولـه

هـي مـهرة تصعب على كل خيـال
وانتي ومثلك عـسفهن بالسـهولـه

قالـت تـغزل بي وشف حبة الخـال
ناظر عيــوني والرمـوش الكسولـه

قلت العفو مايـجـتـمع حـب وهبـال
ولـكـل ذوق فـالـمـزايـيــن جـــولـه

قلتـي وقلت وكلمة الصدق تنقـال
الزين ماهـو مـن شـروط الرجولــه

"لاكن عجبتني ونقلتها علشان الرجال يفرحون ههههههههههههههه"

خيوووو ..هههههههههههههههههه .. متت من الضحك لما قرأت الابيات ..
بالله لهالدرجه انت عدائي كذاا ..ولا في ولا رجال رد ..
بس الصراحه .. حلوه الابيات
تقبل مروري ..
جروووحه الليل

الـزيـن يلـقى عنـد لبــاسـة الشـال
والـرجل زيـن ان كـان زانـت فـعولـه


صحـ لسانـ شاعرها وتسلمـ يمينـ ناقلها ,, ,,

تمنياتيـ لكـ بالتوفيقـ فيـ الدنيا والأخرهـ .. ..

والله بيني وبينك يا أبو فهد أنا ماعندي فرق بين البدو والحضر بصراحه بالنسبه لي كلهم بشر ومسلمين وسعوديين

يعني أي شخص بإرادته يكون بدوي أو يكون حضر بالنسبه عني أنا فأنا جامعه الإثنين الحضر و البدو
المهم أنا ما أبي أطول السالفه وهي قصير و أقولك إن القصيده جنااااااااااااااااان
صح السان قايلها وتسلم يد كاتبها

تقبل مروري مع تحياتي شرقاويه