طعنات أحبابي

طعنات أحبابي
لشاعر المبدع الشاعر سالم سيار >> حفاظا علي حقوقه الأدبية
بعد لك وجه تجينـي بعـد ماذوقتنـي امـرارك
ياعمي طير خلاص انسـى ولاتفكـر تطـق بابـي

اخاف بس صج تموت فيني اقول الا انت شخبارك
اقول فارق واخذ كذبـة تمـوت فينـي وتحيابـي

طفى ضو المحبه وأنطفى فـي عمـري مشـوارك
وعرفت اقسى الطعون اللي تجي من خنجر اقرابـي

خلاص الحين بس الحين عرفت شلـون امطـارك
تصب هناك لكل النـاس وتنسـى تـروي ترابـي

تعال وشوف بـرواز العيـون وفيـه انظـارك
هو التذكار مدام انـت النظـر وتجمـل اهدابـي

اشوف بس أخذ الاشواك وغيري ياخذ ازهـارك
ياطيبي كنت احسب الجرح منـك حيـل يزهابـي

من اول تنشغل فينـي وفينـي تشغـل افكـارك
واشوف الحين ماتقـدر تطيـق تشـوف ترحابـي

عمت عين الظما ان كان الظما يترجـى انهـارك
وعمت عين الهوى ان كان الهوى بيشتت اعصابـي

تخاف القلب لا اظلـم غـلاه يمـوت بأنـوارك
أبـد لاتخـا ف متعـود علـى طعنـات أحبابـي

مو مية نار تحرقني بقت هي بـس علـى نـارك
ابشرك مابقى اي شـي تحرقـه كفـو اصحابـي

تجيني ويعني وبعدين شسـوي يعنـي لأعـذارك
تصوبني وترضي كل غـرورك مـن ورى صوابـي

اقول اسكت ولا تكثر تـرى مليـت تكـرارك
طلبتك لين ماجفـت عيونـي مـن ورى اعتابـي

توكل ما بقى لك شي في عمري كود تذكـارك
أو اسمع حتى تذكـارك كسرتـه داخـل أهدابـي

اشكرك بنت قحطان علي تشريفك صفحتي الصغيره شكرا

سيدتي

عذاب العاشقين

لن أنمق و لن أنسق



فقد إرتعشت الجوارح ...لوجودكي معي


اختي" ملقوفه " شاعرتي وملهمتي

أرق التحايا