إهدـآء بمنـــــَآسبـة رمضآآن..!

السلام عليكم ورحمة الله وبركاته

مبروك رمضان وعساكم من عواده

وتقبل الله منكم صيامكم وقيامكم ..

ابيات اقدمها لكم بقدوم رمضان

وارجو ان تعجب ذائقتكم الشعريه

واتمنا اني وفقة في اختيار الموضوع المناسب

آلـيكـــــــــــــــــــــــــــــــــــم

الليلـه الدنيـا لهـا طابـعٍ غيـر

ضيفٍ لفاها محتشم كلـه ايمـان

زاد البلد في حضرتـه زود تنويـر

والبسها من نوره من النور فستـان

رحب وهلا كل شايب مع صغيـر

واستبشرت في جيته كل الاوطـان

على قدومه كمّ سقنـا التباشيـر

شوف الغدير اللي رجا كل ظميان

من نفحة انفاسـه تزّيـن المقاديـر

وله طلةٍ للكون يحسب لهـا شـان

وفي نظرته مافيه راعـي ولا اميـر

عادل و وافي مابخس حق من كان

يصعب علينا نذكـره بالتصاويـر

ما تاصفه كتبٍ ولا سـرد قيفـان

وشلون يسمع وصفنـا وتعابيـر؟

وعلى يمينه اصـل تنزيـل قـران

وجاين معه بنـتٍ تهـز الطوابيـر

من لا صدفها يبشر بزود خسـران

وان كان ودك عنه زود التخابيـر

شهر رمضان وشهر خيرٍ مع احسان

ولا يضمى رجلٍ من على جمة البير

والنفس وسطه داحره كل شيطان

ويالله عسى مبروك وفي جيته خيـر

ويعوده الله عدة ادهـور وازمـان

وارسلت ابارك من محبـه وتقديـر

الزيادي اخوكم إلى كل الاخـوان

[/size]

مشكورهـ باودعكـ على ألأهداء الروووووووعهـ,,,,,
وتقبليـ مروريـ ,,,بنتـ قحطانـ,,,