اكـــــله هنديه انمـا ايه !!!!!!!!!

..اليوم راح اقدملكم اكلة (الكيما الهندية) مع الفلفل<< اكيد بعد هنود مايعيشون بدون الفلفل
مابي اطول عليكم وهي قصيرة،،، ركزوا معاي..
المقاديــر:

كيلو لحمة مفرومه
3 بصلات مفرومه
2 طماطم مقطعه مربعات
2 فلفل...
نص علبة صلصلة الطماطم
ثلاثة ارباع علبة كبيرة بازيللا
شوية كزبرة مفرومه
عصير ليمونه
ملح + فلفل اسود + قرفه (حسب الذوق)
شوية زيت للقلي
كأس ماء
وخبز صامولا
امممممممم اتمنى مانسيت شيء

الطريقــة :

- نغسل اللحم عدل وننقعه بالليمون...
- نشوح البصل بالزيت حتى يحمر..
- وبعدها نحط اللحم على البصل ونحط عليه عصير الليمونه..
- ونحركه لين يندمج مع البصل..
- وبعدها نحط الطماطم ونحركه..
- ونحط عليهم البهارات (ملح / فلفل اسود / قرفه) ونحركه.
- ونحط عليه الفلفل بعد ماافتحه بالسكين عشان تطلع حرارته ونحط البازيللا ونخلطه..
- وبعدها نخلط صلصلة الطماطم مع الماء ، ونحطه على الخلطه...
ونغطيه ونخليه على نار هاديه لين يتشرب...
- وبعدها نحطه في الصامولا ..(حطيت علية صلصلة الفلفل كريستال)
ويفضل نحطه بالشواية...
وبالعافيه ،،، بس لاتنسون قبل لاتاكلون تجهزون ماي للحرائق...